AGENDA 21 "Kontsumismoari buruzko ekintza"

Gaur goizean, Agenda 21eko ekintza bat aurrera eramateko, Emaus elkartekoak izan dira Txintxirrin gurekin.

Kontsumismoa izan dugu izpide eta horren inguruan aritu dira LH 5. eta LH 6.mailako ikasleak lanean.

Emaus elkartetik etorri den Irunek, lehenik eta behin, kontsumismoaren inguruko orientabideak eskaini dizkie, ikasleei, kontsumismoa zer den badakiten galdetuz eta gaiaren inguruan ikasleen aurrezagutzak plazaratuz.

Ondoren, lau talde eratu dira eta talde bakoitza, kontsumismoa oinarri izan duen istorioak eratzen jardun dira.

Azken ekintza modura, eskolatik kanpora irten gara eta herrikoei inkesta bat pasatzen jardun dira ikasleak. Inkestan ere, kontsumismoaren inguruko galderak egin dituzte.

Horrez gain, publizitateak kontsumoan izan dezakeen eragin negatiboa aintzat harturik, herrian itsatsirik dauden kartelak behatzeko eskatu zaie.

Kontsumo arduratsua bultzatu beharra dugu! Kontsumo masiboek gure gizartean duten ondorio negatiboen inguruan, inplikazio eta jarrera kontzientea indartuz! Aurrera ba! Pauso txikiek, aldaketa handiak eragin ditzakete eta!

PINTXOEN AURKEZPENA!

Astelehenean 4.Unitateari amaiera emateko PINTXO AURKEZPENA egin zuten ikasleek. Denetariko pintxoak sortu zituzten eta horien inguruko azalpen eder eta landuak gauzatu ere bai!

ZORIONAK EKIPO!!!

EROSKIRA EGIN GENUEN IRTEERA!

EROSKIN, ELIKADURA LANTZEKO JARDUERAK EGITEN!

Momentu honetan LH 5.mailakoak, elikagaiak lantzen ari garela aitzaki harturik, atzo, 

otsailaren 25an asteartean, hainbat ekintza egiteko asmoz EROSKIra gerturatu ginen LH 

5.mailakoak!

Goizeko 10:30tan heldu ginen bertara. Sartu bezain pronto, eroskiko hiru langile gerturatu 

zitzaizkigun. Jolasean aritzeko txoko bat prestatua zutela ohartu ginen eta bertara joan 

ginen. Txokoan eseri ginen borobilean, eta langileetariko batek (Saioa) supermerkatuan izan 

ditzakegun produktuen inguruko informazioa eskaini zigun. Ikasleak, gustura asko egon ziren, 

adi eta parte hartzaile!

Ondoren, gosari goxoa egin genuen. Fruta barietate izugarria zeukan mahaia prestatu ziguten, 

modurik originalenenean prestaturik eta apaindurik! Ikasleak, gosari eder askoa jateko aukera 

izan zuten bai!

Gosaria amaitzean, tabletekin, taldeka, jolas bat egin zuten: gosari, bazkari eta afarirako 

erosketak egin zituzten tableteko jolasean.

Tableteko jolasa amaitzean, azken jolas bati ekin zioten: egun batean jango zituzten elikagai 

osasuntsuak erosi behar izan zituzten! Taldeka egin zuten jolasa, hirunaka. Jolasik politena 

izan zen! Eta ikasleak ere, hunkiturik aritu ziren! 

Errepikatuko dugulakoan…esperientzia zoragarria eta OSASUNTSUA oso!!!